Пин-пин çын эрне куна чăтăмсăррăн кĕтет - канмалли кунсем çитнипе те мар, «Çамрăксен хаçачĕн» çĕнĕ номерĕ тухнипе. Кăларăма 1996 çултанпа çырăнса илекен чылай. Вĕсем республикăн тĕрлĕ кĕтесĕнче пурăнаççĕ. Хаçатăн чи çывăх тусĕсемпе тĕл пулма Елчĕк районĕнчи Аслă Елчĕке çул тытрăмăр.
«Çамрăксен хаçачĕн» юбилейлĕ номерне пичете хатĕрленĕ май ялти шкула çитсе куртăм - Шупашкар районĕнчи Чăрăшкасси вăтам шкулĕнче чăваш хаçачĕсĕр чăваш чĕлхи урокĕ иртмест.
"Хĕрарăм ача çуратмассерен вилсе чĕрĕлет", - теççĕ. Нинăн амăшĕ пиллĕкмĕш ачипе çăмăлланнă хыççăн ура çине тăраймарĕ...
Пирĕн тăрăха тăхăр уйăхлăха килнĕ нимĕç хĕрĕ Лиза Поггель - Германири Мюнстер хулинчен. Шкулта тăван мар икĕ чĕлхе вĕреннĕ вăл - акăлчанла тата вырăсла. Лиза çак чĕлхесемпе çăмăллăнах калаçать. Унăн амăшĕ Матина тата ашшĕ Дитэр вара журнал кăлараççĕ. Çул çÿрев кăларăмĕ валли амăшĕ статьясем çырать, ашшĕ сăн ÿкерет.
«Капкăн» журналăн кăçалхи пиллĕкĕмĕш номерĕ кун çути курчĕ. Вăл Сергей Мягковăн «Лаша çулталăкĕ» ÿкерчĕкĕпе уçăлать. Иккĕмĕш страницăра «Туянчĕ, курчĕ... те çĕмĕрчĕ» ÿкерчĕк вырнаçтарнă.
«Саккун сакки» рубрикăра «Хамăр яла ан варала», «Асап - турă панă инкек мар» корреспонденцисем пичетленнĕ.
Пирĕн республикăра ют ачасене хăйсен хÿттине илнĕ çемье сахал мар. Пĕрисем икĕ е ытларах шăпăрлана тăван ачи пек ÿстереççĕ. Хăшĕ-пĕрин ырă ĕç тунă çынсене сивлеме чĕлхи çаврăнать. Вĕсен шухăшĕпе - ачасене укçа-тенкĕшĕн илнĕ имĕш. Анчах Çĕр çинче утакан-чупакан пĕчĕк чуна нухратпа епле виçейĕн?
Иртнĕ эрнере Сочире Паралимп вăййисем уçăлчĕç. Çак уява курма «Фишт» стадиона халăх йышлăн пухăннă. Йĕркелÿ комитечĕ пĕлтернĕ тăрăх - Олимпиадăринчен 3 пин билет ытларах сутăннă.
Раççей Президенчĕн сумлă премине пĕлтĕр Чăваш патшалăх ял хуçалăх академийĕнче вĕренекен 3 çамрăк тивĕçнĕ. Пурте вĕсем спортпа туслă. Лауреатсенчен пĕри - инженери факультетĕнче 4-мĕш çул ăс пухакан Дмитрий Козлов. Яш тимĕр вăййине юратать. Кире пуканĕ йăтас енĕпе ăсталăхне туптать.
Чăваш наци телекуравĕ ĕçлеме пуçланăранпа икĕ çул иртрĕ. Унăн эфирĕнче тĕрлĕ кăларăм пур. Куракансем юратнисенчен пĕри - «Яш чух, çамрăк чух!» Пĕлтĕрхи авăнăн 29-мĕшĕнче тухма тытăннăскерте çамрăксен тĕрлĕ ыйтăвне хускатаççĕ.
СУРСКИЙ РУБЕЖСКИЙ
Чăвашла верси
Русская версия
