Архив - Сен 2016 - Хресчен сасси

http://hypar.ru/cv/hreschen-sassi-22092016

Хальччен инçетри çĕршывсенчен турттарнă улма-çырлана хамăр патра, Раççейрех, çителĕклĕ ÿстермелле. Çакăн пек тĕллев лартнă патшалăх. Иртнĕ шăматкун Тамбов облаçĕнчи Мичуринск хулинче уçăлнă Пĕтĕм Раççейри "Сад ĕçченĕн кунĕ-2016" куравра РФ ял хуçалăх министерствин департаменчĕн директорĕ Петр Чекмарев кун çинчен тĕплĕнрех пĕлтернĕ.

"Сад ĕçне аталантарасси хальхи вăхăтра чи пĕлтерĕшлисенчен пĕри пулмалла. РФ ял хуçалăх министрĕ Александр Ткачев питомниксен шутне 2-3 хут ÿстерме палăртнă", – асăннă вăл.

Выльăх 

"Кун пек лару-тăрăва лексе курман çынна пирĕн инкеке ăнланма йывăр пулĕ. Сыснасене пĕтернипе пĕрлех малашнехи тĕллевсем те пăчланчĕç. Манăн хуçалăхран тĕрлĕ ÿсĕмри 44 сыснана пуçтарса илчĕç. Юрать-ха, малтанах палăртнă компенсацие вăхăтра тÿлесе татрĕç. Унпа усă курса ял хуçалăх ĕçне пăрахасшăн мар. Сыснасăр пуçне 17 пуç мăйракаллă шултра выльăх усратпăр, вĕсенчен 12-шĕ — ĕне. Çак ене малалла аталантарасшăн", — палăртнă Пăрачкав районĕнчи Крылово ялĕнчи хресчен /фермер\ хуçалăхĕн ертÿçи Светлана Захарова.

Шăматкун, авăн уйăхĕн 10-мĕшĕнче, Чăваш патшалăх оперăпа балет театрĕнче Чăваш Енре пурăнакан халăхсен съезчĕ иртет. Унта районсемпе хуласенчен 650 делегат хутшăнĕ.

 Çĕнĕ шкул

Ĕнер Комсомольски районĕнчи Чăваш Элпуç ялĕнче çĕнĕ шкул хута кайрĕ. Ăна уçма Чăваш Ен Пуçлăхĕ Михаил Игнатьев та хутшăнчĕ.