Архив - 2017 - Хыпар

Кил-тĕрĕшре усă курмалли тĕрлĕрен çумалли-тасатмалли япаласене йăлтах лавккаран туянтăр-и? Туянни килте хатĕрленинчен витĕмлĕрех, чаплăрах тетĕр-и? Йăнăшатăр. Килте хатĕрленĕ шĕвек е паста, савăт-сапа çумалли хутăш лавккаринчен пачах та кая мар, тен лайăхрах та. Туяннă шĕвекĕн тытăмне эпир пĕлместпĕр те.

Кавире тасатакан шĕвек хатĕрлесе пăхар-ха. Вăл тем чухлĕ химисĕрех тата чылай йĕнĕрех пулĕ. Чи кирли — лайăх тасатать.

Пахчара çÿренĕ чухне улма-çырла тĕмĕсен сухăрĕ юхса хытнине курнă-тĕр. Ача чухне вĕсене хăйпăтса чăмлакалани те пулнă. Вăл, кăшт пылакрахскер, чăмланă майăн çăварта ирĕлсех пĕтетчĕ. Пирĕншĕн, ачасемшĕн, çав чăмлак лайăх пек туйăннă-ха, анчах вăл йывăçшăн — суран, чир. "Йывăç куççулĕ", — тетчĕç çитĕннисем.

Пуш уйăхĕн 2-3-мĕшĕсенче Шупашкарти "Экспо—Контур" суту-илÿпе курав комплексĕнче Регионсен хушшинчи "Çĕрулми – 2017" курав иртрĕ.

Ăна савăнăçлă лару-тăрура уçнă çĕре Республика Пуçлăхĕ Михаил Игнатьев, РФ Федераци Канашĕн членĕ Вадим Николаев, ЧР Министрсен Кабинечĕн Председателĕн заместителĕ — ял хуçалăх министрĕ Сергей Артамонов, Пĕтĕм Раççейри А. Лорх ячĕллĕ çĕрулми хуçалăхĕн наука-тĕпчев институчĕн директорĕ Сергей Жевора хутшăнчĕç.

Йывăç-тĕме вĕсем яланах иккĕн лартма тăрăшаççĕ. Ку ĕçе ачисене те явăçтараççĕ. Капла пурнăç ăннине палăртать кил хуçи хĕрарăмĕ Людмила Геннадьевна. Мăшăрĕ Валерий Владимирович унпа килĕшет. Канаш районĕнчи Сителте пурăнакан Яковлевсен çемйи йышлă, 4 ача çитĕнет. Кĕçĕнни садике кăна çÿрет-ха. Хушма хуçалăхĕ те пуян вĕсен.

Йĕкелрен ÿстернĕ

Мĕн пĕчĕкрен колхозра вăй хунă май хамăртан аслăрах çынсем тĕрлĕрен ĕçе мĕнле пурнăçланине сăнама юрататтăм. Лашасемпе çавăрттарса тырă çапакан молотилкăна ĕçлеттернĕ чухне эпир, ачасем, кĕлте салататтăмăр. Хăшпĕр арçын ача лаша хăвалатчĕ. Аслăрах хĕрсем кĕреплепе улăм пуçтаратчĕç. Юрла-юрла ĕçлетчĕç. Вĕсенчен пĕри, çепĕç те янăравлă сасли, Лидия Николаевна Антонова пулнă. Вăл чăвашла та, çармăсла та юрлатчĕ. Пурнăç йывăррине пăхмасăр савăнма та пĕлнĕ. Нумаях пулмасть унпа курнăçнă май терт-нушана чылай тÿснĕскер кун-çулĕ пирки тĕплĕнрех каласа кăтартрĕ.

РФ Ял хуçалăх министерствин ÿсентăран, механизаци, химизаци тата ÿсентăрана хÿтĕлекен департаменчĕн директорĕ Петр Чекмарев пуш уйăхĕн 3-мĕшĕнче Правительство çуртĕнче иртнĕ "çавра сĕтелре" Чăваш Енре çĕрулмипе хăмла Раççейшĕн пысăк пĕлтерĕшлĕ культурăсем шутланнине, республика ăна çитĕнтермесен çĕршыв "симĕс ылтăнсăр" юлма пултарасса палăртрĕ.

Проректор студентсен прависене те хÿтĕлеме ыйтать

Пирĕн çĕршывра 200 яхăн наци çынни пурăнать, вĕсен 90 проценчĕ вырăсла калаçма пултарать. Çав вăхăтрах Амур юханшывĕ çинчи негидальсем шучĕпе пурĕ те 600 ытла кăна, апла тăк пирĕн тĕллев çак халăха упраса хăварасси пулмалла.

Шăматкун Чăваш Енри патшалăх тата вырăнти влаç органĕсенче ĕçлекенсен кăçалхи спартакиади старт илчĕ. Пĕрремĕш ăмăрту — йĕлтĕрпе чупасси — Муркаш районĕнчи Москакассинче иртрĕ.

Ĕçтешĕсене ЧР Пуçлăхĕн Администрацийĕн ертÿçи Юрий Васильев саламларĕ. «Ку ăмăрту пирĕншĕн спорт уявĕ пулса тăчĕ. Вăл пире пĕр-пĕринпе курса калаçма, сывлăха çирĕплетме тата чи вăйлисене палăртма май туса парать», — терĕ Юрий Егорович.

Федерацин налук службин Шупашкарти инспекцийĕ кăрлачăн 1-мĕшĕнче черетлĕ деклараци кампанийĕ пуçланни çинчен аса илтерет. Декларацисене налук инспекцийĕсене çу уйăхĕн 2-мĕшĕнчен кая юлмасăр памалла.

Юрлама юратакан çын ĕмĕрĕпех юрлать. Юрă çынна йывăрлăхсене парăнтарма пулăшать, кăмăла çĕклет, хавхалану кÿрет. «Юрлакан çын ватăлмасть», — тет Елчĕк районĕнчи Энтепере пурăнакан Фекла Сапожникова.