Архив - Дек 2015 - Хыпар

Помидорăн «Черри» тата «Розовые» сорчĕсем çинчен тĕплĕнрех пĕлес килет. Хаçатра çырни ытти пахчаçăсемшĕн те интереслĕ пулĕ тетĕп.

Юрий СОКОЛОВ.

Вăрмар районĕ.

Шăшисем темле курăк шăршинчен хăраççĕ тенине илтнĕччĕ. Ун патне çывхармаççĕ те иккен. Мĕнле курăк-ши вăл тата унпа мĕнле усă курмалла-ши кил-çуртра?

Николай АЛЕКСАНДРОВ.

Вăрнар районĕ.

Эпĕ пĕлтĕр темĕнле журналта улăм айĕнче /тăпрапа витмесĕрех/ çĕрулми ÿстересси çинчен вуланăччĕ. Кăçал вара 3 сотка лаптăкра çак меслетпе çĕрулми лартса пăхрăм, чăннипех çĕрулми çитĕнтерме май пуррине ĕнентĕм. Ĕç ăнчĕ - çимĕç лайăх пулчĕ. Çитес çул эпĕ пысăк лаптăкра улăм айне çĕрулми лартас шухăшлă.

Хĕл Мучипе Юр Пикерен - ПАРНЕ

Таçта çитсен те манмăпăр пĕр-пĕрне

Илтрĕмĕр çеç мар, кăмăлпа та йышăнтăмăр

Çирĕп туслăхăн вăрттăнлăхĕ мĕнре-ши?

Раиса Сарпипе тĕл пуласчĕ...

Çитес çулăн пĕрремĕш çур çулĕ валли хаçат-журнал çырăнас тапхăр ерипен вĕçленсе пырать. Юлашки куна хăварас марччĕ çак ĕçе.

Пирĕн редакци «Тăван шкула - парне» акци ирттерет. Унта шкултан вĕренсе тухнă кашни çын хутшăнма пултарать. Тĕрлĕ çĕрте ĕçлекен çынсем, вĕренÿ заведенийĕсенче пĕлÿ илекен студентсем хăйсен тăван шкулне е пĕр-пĕр ача садне парне тума пултараççĕ.

Наталья Микасева, Настя Яковлева, Катя Савельева - Шăмăршă районĕнчи Палтиел шкулĕн хастарĕсем. Тăххăрмĕш класа çÿрекен пикесем вĕренÿре ÿсĕмсем туса пынисĕр пуçне спорта чунтан парăннă.

- Спорт вăл - сывлăх! Е тата унсăр пурнăç та кичем пулĕччĕ, - теççĕ мал ĕмĕтлĕ хĕрсем.

Чăн та, вĕсем уйрăмах физкультура урокне кăмăллаççĕ. Футболла, волейболла, баскетболла выляма çав тери маçтăр. Çăмăл атлетикăна та çăмăллăн парăнтараççĕ.

Нумаях пулмасть Шупашкарти Трактор тăвакансен Культура керменĕнче чăваш халăх юррисене юрлама юратакан шкул ачисемпе вĕрентекенсен республика конкурсĕ иртрĕ. «Шкул шăпчăкĕ» ятлă вăл.

Пултарулăх ăмăртăвне Элĕк, Патăрьел, Вăрнар, Йĕпреç, Куславкка, Канаш, Хĕрлĕ Чутай, Комсомольски, Муркаш, Елчĕк районĕсенчен, Шупашкарпа Çĕнĕ Шупашкар тата Çĕрпÿ хулисенчен 11 фольклор ушкăнĕ, 28 солист, учительсен ултă фольклор ушкăнĕпе тăхăр пĕччен юрлакан хастар хутшăнчĕ.

Тăххăрмĕш класри Маша Артемьевăпа саккăрмĕш класри Инна Краснова - уйрăлми туссем. Амăшĕсем те юлташлă пулнăран хĕрачасем мĕн ачаранах пĕр-пĕрне ăнланнине, пĕр-пĕрин патне туртăннине ăнланса илнĕ. Çирĕп туслăхăн вăрттăнлăхĕ мĕнре-ха?

- Пĕр-пĕрне нихăçан та суймалла мар. Яланах юлташа пулăшма хатĕр пулмалла, вăрттăнлăхсене унпа çеç пайламалла, - палăртаççĕ хĕрачасем.

«Тантăш» хаçатăн кашни номерне пĕр сиктермесĕр вулакансем «Сăвăпа чĕрем юрлать, чун чăвашлăхшăн çунать» конкурс çинчен пĕлеççĕ ĕнтĕ, кашни çулах иртет вăл. Çулталăк вĕçĕнче вара чи ăнăçлă сăвăсен авторĕсене палăртатпăр. Пирĕн пĕлтĕрхи çĕнтерÿçĕсенчен пĕри - Ксения Николаева - Канаш районĕнчи Катек шкулĕнче тăваттăмĕш класра вĕренет.

Иккĕмĕш класранпах сăвă çырать Ксюша. Пĕрремĕш ĕçĕ хĕлле çинчен пулнă. Амăшĕ ырлани вара ăна малалла та çырма хавхалантарнă. Ритмне те, рифмине те амăшĕпе пĕрле йĕркелеççĕ. Çакă тепĕр чухне вăйă пекех пулса иртет.