Архив - 2014 - Хыпар

Чăнах, хамăн куçăмпа малтан пуçласа вĕçне çитиччен курман пулсан, ĕненместĕмччĕ. Ара, спортпа çыхăннă сахал мероприяти иртет-им пирĕн вĕресе-кĕрлесе тăракан пысăк хурана аса илтерекен республикăмăрта кунсерен! Пĕртте сахал мар.

1990 çулсен пуçламăшĕ. Мускав. Сокольники. Библиотека. Чăваш поэзийĕн каçĕ. Мускавра пурăнакан йăхташăмăрсем, Тăван Чĕлхемĕршĕн ялан тунсăхлаканскерсем, хăйсен уявне Шупашкартан ятарласа Светлана Асамата тата çак йĕркесен авторне чĕнсе илнĕ.

Ĕмĕтленнĕ саманта кĕтнĕ чухне вăхăт питĕ вăрах шăвать. Вăл çитет те - наччасрах иртсе каять. М.Д.Михайлов ячĕллĕ йăлана кĕнĕ Пĕтĕм тĕнчери опера фестивалĕ те çавăн пекех. Акă унпа çыхăннă çирĕм тăваттăмĕш фестиваль пирки те иртнĕ вăхăтпа калаçма тивет. Ноябрĕн 30-мĕшĕнче вăл гала-концертпа хупăнчĕ.

Иртнĕ эрнере ЧР Пуçлăхĕ Михаил Игнатьев Шупашкарти строительствăпа хула хуçалăхĕн техникумĕнче «ТехноНИКОЛЬ: Строительство Академийĕ» вĕренÿ центрне уçма хутшăннă.

Çак кунсенче Чăваш Ен Пуçлăхĕ Михаил Игнатьев мăшăрĕпе Лариса Юрьевнăпа Вăрмар поселокĕнче «Родничок» ача садне уçма хутшăннă. Унта 145 ача çÿреме пултарать.

Михаил Игнатьев салам сăмахĕнче палăртнă тăрăх - ку кăçал республикăра энерги перекетлекен технологисемпе усă курса тунă тăваттăмĕш ача сачĕ. Ăна уçнă май районта çулталăк çурăран аслăраххисене ача садне ярас ыйтăва туллин татса параççĕ. Декабрьте республикăри хуласемпе районсенче шкул çулне çитменнисен ку чухнехи тата 11 вĕренÿ учрежденийĕ алăкĕсене уçать.

Ноябрĕн 29-мĕшĕнче Чваш Ен Пуçлăхĕ Михаил Игнатьев Елчĕк район администрацийĕнче Чăваш Республикин патшалăх влаçĕн органĕсен ертÿçисемпе, администрацисен, муниципалитет районĕсен тата округĕсен пуçлăхĕсемпе канашлу ирттернĕ.

Декабрĕн 1-мĕшĕнче Чăваш Ен Пуçлăхĕ Михаил Игнатьев Министрсен Кабинечĕн членĕсемпе, федераци ведомствисен территори органĕсен тата муниципалитетсен ертÿçисемпе канашлу ирттернĕ.

... Чун ыратăвне шурă хут çине куçарнă çыру редакцие куллен мар пулсан та час-часах килет. Ноябрĕн 23-мĕшĕнче çитнисенчен пĕринпе паллаштарниех çакна аван çирĕплетет.

«Ĕç тăсăмĕ кăçалхи октябрь уйăхĕнче хĕрĕх çула çитрĕ. Ку хутĕнче эпĕ «Чăваш Республикин ĕç ветеранĕ» ята тивĕçмелле пек ĕнтĕ. Пенси фончĕн управленийĕн специалисчĕсем сĕннипе районти социаллă хÿтлĕх пайне çитсе килтĕм, анчах савăнма сăлтав тупăнмарĕ. Манăнни евĕр ыйтупа унта татах пынă, вĕсем те нимсĕр-мĕнсĕрех тухса кайрĕç.

2014 çулхи октябрĕн 14-мĕшĕнче Раççей Ӳнер академийĕн президиумĕн ларăвĕнче пĕтĕм пурнăçне искусствăна халалланă çичĕ çынна асăннă академин "Хисеплĕ членĕ" ятпа чысланă. Вĕсен йышĕнче - художниксем, реставраторсем, скульпторсем, культура ĕçченĕсем, çав шутра пĕртен-пĕр искусствовед.

Иван Вашки çыравçă çуралнăранпа 100 çул çитнине уявланă кунсенче унпа калаçнисем аса килчĕç.