Акă вĕçленет те ĕнтĕ вĕренекенсем юратакан çуллахи каникул. Çĕнĕ вĕренÿ çулĕ пуçланиччен шутлă кунсем çеç юлчĕç. Хăшĕ-пĕри куншăн кулянать те пуль. "Ах, мĕншĕн çапла хăвăрт иртрĕç-ши çу кунĕсем? Çителĕклĕ канса та юлаймарăм…" – тет ахăртнех.
Пĕрремĕш класа Хыркасси шкулне çÿренĕ Костя Семенов иккĕмĕшне Мăн Сĕнтĕре кайĕ. Мĕншĕн-и? Унта ÿнер шкулĕ пур-çке. Арçын ача вара çут тĕнчене хăй евĕр курса çак сăнсене ÿкерсе кăтартма кăмăллать. Тин çеç аталанса пыракан ăсталăхне пысăклатма ĕмĕтленет вăл. Тен, часах хут çинчи машинисем те чĕрĕ пек курăнĕç?
Çурла уйăхĕн 27-мĕшĕнче Чăваш Ен Пуçлăхĕ Михаил Игнатьев Мускавра 2014-2015 çулти вĕренÿ тытăмне хатĕрленсе çитнипе çыхăннă канашлăва хутшăннă. Ăна Раççей Федерацийĕн Правительствин Председателĕ Дмитрий Медведев видеоконференци мелĕпе ирттернĕ.
ЧР Ял хуçалăх тата Экономика аталанăвĕн, промышленноç, суту-илÿ министерствисем, Суту-илÿпе промышленноç палати авăн-раштав уйăхĕсенче республикăра «Вырăнтине суйла - хамăрăннех туян» ятпа акци йĕркелеççĕ. Вăл РФ Президенчĕн Владимир Путинăн çĕр-шывра апат-çимĕç хăрушсăрлăхне туса хумашкăн экономикăн ятарлă мерисемпе усă курма йышăннă Указне пурнăçлама май парать.
Йăлана кĕнĕ «августри педканаш» иртнĕ кĕçнерни кун вĕренÿ тытăмĕнчи нумай-нумай ĕçчене пĕр аудиторие пухрĕ. И.Н.Ульянов ячĕллĕ Чăваш патшалăх университечĕн Культура керменĕнче пушă вырăн çукпа пĕрехчĕ. Çулталăкра пĕрре чи çивĕч ыйтусене сÿтсе явма пухăннă йыш Чăваш Республикин вĕренÿпе çамрăксен политикин министрĕн В.Н.Ивановăн докладне тимлĕн тăнларĕ. Конференци темине кура ытларах чăн ăслăлăхсемпе математикăна çине тăрса вĕрентесси çинчен калаçнă май Владимир Николаевич шухăшĕсене тăтăшах пурнăçри тĕслĕхсемпе çирĕплетсе пычĕ.
СУРСКИЙ РУБЕЖСКИЙ
Чăвашла верси
Русская версия
