Çăмăл промышленноç: паха ăстасем çителĕклĕ-и?

Чăваш Енре çăмăл промышленноç валли кадрсене професси пĕлĕвĕ паракан 6 вĕренÿ учрежденийĕнче хатĕрлеççĕ. Кăçалхи январь уйăхĕн пуçламăшĕ тĕлне вĕренекенсен пĕтĕмĕшле хисепĕ 717 çын пулнă. Çапах та асăннă кластер пуласлăхĕ çинчен ĕçлĕ калаçу пуçарасси кадрсен çителĕклĕхĕнчен ытларах вĕсене пахалăхлă пĕлÿ парассипе çыхăнчĕ. Мартăн 13-мĕшĕнче çăмăл промышленноç валли ĕçченсем хатĕрлес ыйту тавра Шупашкарти механика-технологи техникумĕнче йĕркеленĕ "çавра сĕтеле" Чăваш Республикин Пуçлăхĕ Михаил Игнатьев та килсе çитрĕ.

Куçа-куçăн калаçăва çавăн пекех вĕренÿпе çамрăксен политикин министрĕ Владимир Иванов, Шупашкар хула пуçлăхĕ Леонид Черкесов, вĕренÿ тĕрлĕ учрежденийĕн ертÿçисемпе представителĕсем, предприяти хуçисем хутшăнчĕç. Малалла вулас...