Пĕрремĕш ракетчик

Хĕрлĕ Чутай районĕнче çуралса ÿснĕ виçĕ çын - Алексей Анисимович Захаров сержант /Шулю ялĕ/, Степан Павлович Плисов радист /Ишеккасси/, Иван Николаевич Коннов сержант /Штанаш/ - Флеров ертсе пынă "Катюша" батарейинче çапăçнă.

Штанаш хăнисене Иван Коннов саппасри офицер ăсталанă палăк кĕтсе илет. Тăватă метр çÿллĕш пьедестал çинче нимĕç фашисчĕсене çĕнтернĕ салтак тăрать. Вăл автоматне çÿлелле çĕкленĕ, каскине хывса сулахай аллине тытнă, фашистсен свастикине çĕре ÿкерсе урапа пуснă. Лайăхрах сăнаса пăхсан çак салтакра Иван Коннов сăнне уйăрса илме пулать. Палăк çине Штанаш ял тăрăхĕнче çуралса ÿснĕ, вăрçăра пуç хунă 190 çын ятне çырса хунă. Ăна аслă вăрçă вĕçленнĕренпе 25 çул çитнĕ ятпа ирттернĕ митингра 1970 çулхи майăн 9-мĕшĕнче уçнă. Малалла вулас...