Стипенди - çамрăксем валли
Чăваш Ен Пуçлăхĕ Михаил Игнатьев çамрăксемпе студентсен представителĕсене пултарулăхри ăнтăлушăн ятарлă стипендисем парасси çинчен калакан хушăва алă пуснă.
Вĕренÿре, бизнеса проектлассинче, наука, пултарулăх, производство, управлени ĕç-хĕлĕнче курăмлă кăтартусем тунă пин яшпа хĕр 2015 çулта уйăхсерен 1830 тенкĕ илсе тăрĕç. Çак тĕллевпе республика бюджетĕнчен çуллен 22 млн тенке яхăн уйăраççĕ.
Стипендиатсен 70% яхăн йышĕ - вĕренекен çамрăксем, 8% ытларах - çамрăксен общество пĕрлешĕвĕсен хастарĕсем, 22% яхăн - промышленноçри, ялхуçалăхри, вĕрентÿри, культурăри тата ытти сферăри çамрăк специалистсем.
2015 çул стипендине тивĕçес тесен çирĕплетнĕ формăпа февралĕн 15-мĕшĕччен заявлени çырмалла, унта хăйсен ЧР Пуçлăхĕн хушăвĕнче палăртнă кăтартăвĕсене, çавăн пекех Раççей Перекет банкĕнче уçнă банк карточкинчи çирĕм цифрăллă счета çырмалла. Заявленисене ЧР Вĕренÿ министерствин Шупашкарти Ленинград урамĕнчи 33-мĕш çуртри ячейкине ямалла. Хушма информаци илмешкĕн /8352/ 64-21-82 телефонпа Ольга Павловна Квиткопа çыхăнма пулать.
М.АНДРЕЕВ