Йывăç йышĕ нумайланнă

Авăн-чӳк уйăхĕсенче Раççейре «Вăрмана упратпăр» акци иртет.

Çак мероприяти вăхăтĕнче Чăваш Енре пурăнакансем 36 пин те 378 йывăç /хыр, юман, çăка/ лартнă.

Акцие ĕç тăвакан влаç органĕсенче, ял тăрăхĕсемпе хула округĕсен администрацийĕсенче, вĕренӳ учрежденийĕсенче, лесничествăсенче тăрăшакансем, студентсемпе волонтерсем хутшăннă. Юпа уйăхĕн 10-мĕшĕнче республика Пуçлăхĕ Олег Николаев та Сосновка лесничествинче хыр лартнă.

Çамрăк йывăçсем валли ятарлă вырăнсем хатĕрленĕ. Унсăр пуçне 2010 çулта вăрман пушарне пула пушанса юлнă çĕрте те хунавсем лартнă.

www.hypar.ru