Халăх искусстви – наци пуянлăхĕ

Çакăн пек ятпа паян ЧР Художниксен союзĕн çуртĕнче регионсен хушшинчи курав уçăлчĕ.

«Халăх формачĕ. Халăх искусстви — наци пуянлăхĕ» проект — халăх искусстви енĕпе ĕçлекен художниксен куçса çÿрекен куравĕ. Халăх ÿнер промыслине сыхласа хăварса малалла аталантарас тĕлĕшпе йĕркеленĕскер Вăтам Атăл тăрăхĕнчи çак хуласенче — Чулхулара, Хусанта, Саранскра, Йошкар-Олара, Шупашкарта — иртĕ.

Проект тĕллевĕ — наци традици культурисене аталантарасси. Куравăн никĕсĕнче — Чулхула облаçĕнчи ÿнерçĕсен произведенийĕсем. Кашни хуларах курав вырăнти художниксен, проекта хутшăнакансен ĕçĕсемпе, пуянланĕ.

www.hypar.ru

Надежда СМИРНОВА. Автор сăн ÿкерчĕкĕсем.