Операторсем канашларĕç

Красноармейски районĕнче «Тăватă пинлисен клубĕ» 2002 çулта йĕркеленнĕ. Пĕлтĕрхи кăтартусемпе унта машинăпа ĕне сăвакан 16 оператор кĕнĕ.

Вĕсем - «Красное Сормово», «ВОЛИТ», «Караево» пĕрлешÿсенчен тата Аркадий Степановпа Венера Васильева хресчен-фермер хуçалăхĕсенчен. Яманакри сĕт-çу фермин дояркисем Лариса Еремеевăпа Татьяна Смирнова, Светлана Даниловăпа Ева Иванова, Татьяна Абрамовăпа Алиса Маркова иртнĕ çул кашни ĕнерен вăтамран 5760-5674-5651 килограмм сĕт сунă. Кăçал кăтартусене 6000 килограма çитересшĕн. Машинăпа ĕне сăвакан операторсене район центрĕнче пухса район администрацийĕн пуçлăхĕ Андрей Шестаков саламланă, Дипломсемпе, парнесемпе чысланă.