Сăпка юрри юрлатăрччĕ анне

Республикăри шкулсенче тăван ен культурин урокĕсенче ачасем халăхăн ĕмĕртен упраннă пуянлăхĕпе кăсăклансах паллашатчĕç. Шел, çуралса ÿснĕ çĕршыва, тăван халăха юратма вĕрентекен çак предмет программăра халĕ çук.

Республикăри вĕрентÿ тытăмĕн ертÿлĕхĕ унăн картинче пулнă тематика материалне тăван чĕлхе, литература урокĕсене шăнăçтарма май тупмашкăн ыйтать. Анчах асăннă предметсен хăйсен программи те анлă — кашни темăпа тулли материал пама çăмăл мар.

Çакнашкал лару-тăрура ачасене тăван ен культурипе çывăхлатас, ăна тарăнрах пĕлме май туса парас тесе республикăри хăш-пĕр шкулта ятарлă кружоксем йĕркеленĕ. Сăмахран, Елчĕк районĕнчи Кушкă вăтам шкулĕнчи çамрăк таврапĕлÿçĕсен ушкăнне çÿрекен ачасем тăтăшах тĕпчев-шыравра. Ăна директорăн вĕренÿпе воспитани енĕпе ĕçлекен заместителĕ, чăваш чĕлхипе литературин вĕрентекенĕ Галина Веникова ертсе пырать. Малалла вулас...