Пирĕн Лана Олимпиадăна хутшăнать

12 Фев, 2016

Паян Норвегири Лиллехаммер хулинче çамрăксен хĕллехи Олимп вăййисем пуçланнă. Спортсменсем тĕрлĕ ăмăртура наградăсен 70 комплекчĕшĕн тупăшĕç.

Яланхи пекех Раççейĕн пĕрлештернĕ команди чи сумлисенчен пĕри: ушкăнра - 72 çын. Телейлисен йышĕнче Чăваш Ен спортсменки Лана Прусакова та пур. Вăл фристайлçăсен турнирĕнче слоуп-стайл тата хаф-пайп дисциплинисенче вăй виçĕ. Çак чыса Çĕнĕ Шупашкар пики çĕршывăн иртнĕ çулхи чемпионатĕнче тата Раççей кубокĕн икĕ тапхăрĕнче çĕнтерсе тивĕçрĕ. 15 çулти хĕр Шупашкарти Олимп резервĕсен ятарлă 2-мĕш спорт шкулĕнче Никита Васильев тренер патĕнче ăсталăха туптать.

Аса илтеретпĕр: ку ăмăрту пĕрремĕш хут 2012 çулта Австрири Инсбург хулинче иртнĕ. Ун чухне Чăваш Республикин чысне çамрăк хоккеист Александр Протапович хÿтĕленĕ. Пирĕн ентеш унта кĕмĕл медаль çĕнсе илнĕ.

Рубрика: