Комментировать

Çанталăк типĕ тăнă кунсенче Шăмăршă районĕнчи хуçалăхсенче тĕшĕлĕх хĕвелçаврăнăшне пухса илеççĕ.

Çак ĕçе епле йĕркеленипе Александр Егоров хресчен-фермер хуçалăхĕнче паллашма тӳр килчĕ. Темиçе çул каялла çак культурăна республикăра икĕ пин ытла гектара çитернĕччĕ. Çу юхтаракан заводсем сутлăх хакне пĕчĕклетнĕрен лаптăка пĕчĕклетрĕç.

— Хĕвел çаврăнăш ăшша юратать. Кăçалхи вегетаци тапхăрĕнче нӳрĕк хисепĕ тăпрара çителĕксĕрччĕ. Апла пулин те унăн тухăçĕ япăх мар, — пĕлтерчĕ Александр Егоров фермер.

Хĕвелçаврăнăшне иртнĕ çулсенче Тутарстана сутнă. Хакĕ тивĕçтерсен кăçал урăх региона та сутма пултараççĕ.

Тĕшĕлĕх хĕвел çаврăнăшне «Победа» обществăра та пухса кĕртеççĕ.

www.hypar.ru Юрий МИХАЙЛОВ сăн ÿкерчĕкĕсем