Комментировать

Халăха ĕçпе тивĕçтерекен центрсен куçса çÿрекен офисĕсен ырă енĕсене республикăри район-хулара пурăнакансенчен нумайăшĕ туйрĕ ĕнтĕ: вĕсем пулăшнипе инçетри ялсенче тĕпленнисем ĕçлев тытăмĕн чылай пулăшăвне — рынокпа, çынсене вырăн тупса парассине йĕркеленипе, профориентаци мероприятийĕсене уйрăммăн тата ушкăнпа ирттернипе, ĕç шырама пулăшнипе, профессие вĕрентнипе, ĕçлев тата ĕç ыйтăвĕсемпе юридици консультацине тивĕçессипе çыхăннисене — илме пултараççĕ.

Хальхи вăхăтра район-хулари халăха ĕçпе тивĕçтерекен центрсенче куçса çÿрекен 12 офис çынсене йышăнать.

Кăçалхи 8 уйăхра вĕсем инçетри ялсенче 382 хут пулса 457 мероприяти ирттернĕ, 5676 çынна патшалăх пулăшăвĕпе тивĕçтернĕ е тухса çÿремессерен кашнинче вăтамран 15 çынна йышăннă. Мо-бильлĕ офиссем пулăшнипе ирттернĕ мероприятисенче пулăшу илнĕ граждансем уйрăмах Улатăр /1491 çын/, Канаш /693/, Çĕмĕрле /317/ хулисенчи, Çĕрпÿ /506/, Куславкка /495/, Етĕрне /481/, Йĕпреç /375/, Шупашкар /362/, Вăрмар /319/ районĕсенчи тата халăха ĕçпе тивĕçтерекен центрсенче йышлă, Патăрьел /283/, Сĕнтĕрвăрри /200/, Вăрнар /154/ районĕсенчи центрсенче вара сахал.

Унсăр пуçне вĕсемпе усă курса республикăри тата унăн тулашĕнчи организацисенче ĕçлев, харпăр хăй ĕçне йĕркелес, обществăн тÿлевлĕ ĕçĕсене хутшăнас ыйтусемпе кăçалхи кăрлач-çурла уйăхĕсенче информаципе консультацин 415 кунне ирттернĕ, вĕсенче 5111 çынна /тухса çÿренипе йĕркеленĕ мероприятисенче консультаци илнисен 90 процентне/ пулăшма пултарнă.

Улатăр, Çĕмĕрле хулисенчи, Патăрьел, Йĕпреç, Сĕнтĕрвăрри, Çĕрпÿ, Шупашкар районĕсенчи ĕçсĕрсем тата ĕç шыракансем валли вакансисен 30 ярмăрккине йĕркеленĕ, вĕсене 510 çын /куçса çÿрекен офис пулăшнипе тивĕçнисен 9,0 проценчĕ/ хутшăннă.

Канаш, Çĕмĕрле хулисенчи, Сĕнтĕрвăрри, Çĕрпÿ, Етĕрне районĕсенчи халăха ĕçпе тивĕçтерекен служба органĕсем мобильлĕ офиссенче 55 инвалида «пĕр чÿрече» мелĕпе пулăшупа тивĕçтернĕ.

Ĕç-хĕл тытăмĕн /професси/, ĕçе вырнаçас, профессие вĕренес ыйтусемпе 3003 çын /53%/ пулăшу илнĕ. Граждансене ĕç рынокĕ ыйтакан специальноç, квалификациллĕ ĕçченсем мĕн чухлĕ кирли, профессие тата хушма специальноçа вĕренмелли услови тĕлĕшпе тулли информаципе тивĕçтернĕ. Малалла вулас...