Комментировать

Ялта тĕпленекен çамрăксенчен чылайăшĕ тăван тăрăхри сывлăшпа сывласан кăмăл хăпартланнине, хулара пĕр кун та пурăнайманнине палăртаççĕ. Вĕсен шухăшĕпе, ялта укçа ĕçлесе илмелли май чылай. Шăмăршă районĕнчи Ярăславра пурăнакан Розовсем выльăх-чĕрлĕх усраççĕ. Мĕн пур тăванĕ вĕсене пысăк çак ĕçре пулăшать.

Татьянăпа Георгий 14 çул каялла çемье çавăрсан тăван ялĕнчех пурăнма юлнă. Уçă сывлăша, çывăхри вăрмана шавлă хулапа улăштарайман вĕсем. Çамрăксем уйрăлса тухса çурт çĕклеме палăртнă. Çав çулта мăшăр çамрăк çемьесене пулăшакан патшалăх программипе усă курса 200 пин тенке яхăн укçа илнĕ. Ку çурт-йĕр çавăрмашкăн, хуçалăха аталантармашкăн самаях пулăшнă. Ялти ĕçпе пиçĕхсе ÿснĕ çамрăксем выльăх-чĕрлĕх усрама шухăшланă. Вĕсен ашшĕ-амăшĕ те пысăк хуçалăх тытнă-çке. Малалла вулас...