Урăх йышши халăхсем

Авалхи пĕр кĕнекере "инородцы" сăмах тĕл пулчĕ. Раççейри мĕнле халăхсем çак йыша кĕнĕ?

А.ПЕТРОВ.

Элĕк районĕ.

"Инородец" - ют, урăх тĕрлĕ, урăх йышши - терминпа XIX ĕмĕрти тата XX ĕмĕр пуçламăшĕнчи официаллă документсенче Инçет Хĕвелтухăçĕнчи, Çĕпĕрти, Вăтам Азири, Казахстанри, Кавказри, Çурçĕр Раççейри, Вăтам тата Анат Атăлçи тăрăхĕнчи тĕрĕк, монгол тата финн-угор халăхĕсене /ытларах чухне куçса çÿрекен/ тата еврейсене палăртма усă курнă.

1917 çулччен Раççейри сахал йышлă е славян мар халăхсене çапла чĕннĕ. Ку терминпа калаçура, делопроизводствăра, илемлĕ литературăра усă курнă.