Шупашкар Çĕнĕ çула хатĕрленет

Шупашкар администрацийĕнче эрнесерен иртекен канашлура республика тĕп хулине Çĕнĕ çул тĕлне капăрлатас ыйтусене сӳтсе явнă.

Çĕнĕ çул умĕн Шупашкар хулине питĕ илемлĕ капăрлатасси йăлана кĕнĕ — ку енĕпе çуллен пысăк ĕç пурнăçлаççĕ. Хула илĕртӳлĕхĕ паллă вырăнсене илемлетнинчен кăна мар, суту-илӳ, общество апатланăвĕн объекчĕсене, йăла ыйтăвĕсене татса паракан объектсене шалтан капăрлатнинчен, вĕсен таврашĕнчи территорисене Çĕнĕ çул сĕмĕ кĕртнинчен те килет.

Кун пирки Шупашкар хулин пуçлăхĕ Владимир Доброхотов планеркăра администраци тытăмĕнчи подразделенисен ертӳçисемпе ирттернĕ канашлура пĕлтернĕ. Унта Шупашкар хулин депутатсен Пухăвĕн председателĕ Евгений Кадышев хутшăннă.

www.hypar.ru