Ассистентсен йышне кĕнĕ

И.Н.Ульянов ячĕллĕ Чăваш патшалăх университечĕн 3 студенчĕ Раççейри Яндекс Академийĕн программипе хатĕрлекен 100 ассистент йышне кĕнĕ.

Информатикăпа шутлав техникин факультечĕн виççĕмĕш курс студенчĕсем Татьяна Ивановăпа Ольга Димитриева, пĕрремĕш курсра пĕлÿ илекен Антон Фисунов Пĕтĕм Раççейри Яндекс Академийĕн конкурсĕнче çĕнтернĕ. Вĕсене онлайн тата офлайн мелĕсемпе вĕрентекенĕн ассистенчĕ пулма хатĕрлеççĕ, çитес вĕренÿ çулĕнче практика занятийĕсем пуçланĕç. Кашни ассистента уйăхсерен 10 пин тенкĕ стипенди тÿлеме палăртнă.

Çав йышри студентсем вĕрентекенсене лекцисемпе семинарсене хатĕрленме пулăшĕç. Пĕлÿ илекенсене канаш парĕç, вĕренÿре ĕлкĕрсе пыма хавхалантарĕç. Сесси вăхăтĕнче педагогпа пĕрле зачет, экзамен йышăнĕç. Ассистентсем студентсемпе пĕрле проектсем те çырĕç.

www.hypar.ru

фото cap.ru