Вырма пуçланнă

Чăваш Енре пăрçа вырса илес тапхăр пуçланнă. Чи малтан ку ĕçе Елчĕк районĕнчи Ленин ячĕллĕ хуçалăх пуçăннă.

Пăрçан «Ульяновец» сортне 60 гектар лаптăк çинче ӳстернĕ. Пĕтĕмпе кунта 1000 гектар лаптăк çинче тыр-пул туса илеççĕ. Хуçалăх ертӳçи Валерий Падуев палăртнă тăрăх, вырма ĕçне пĕтĕмпе 3 комбайн тата «КСУ-1» машина хутшăнмалла. Çав вăхăтрах хуçалăхра кĕрхи культурăсене акма çĕр хатĕрлес ĕç те пырать. Унсăр пуçне хĕл валли хальлĕхе 1300 тонна сенаж тата 107 тонна утă хатĕрленĕ.

«Мелилотус» ял хуçалăх кооперативĕнче вара, республикăри чи пысăк утарта, пыл пухма тытăннă. Кооператив ертӳçи Николай Николаев палăртнă тăрăх, хуçалăхра пыл хурчĕсен 600 çемйи шутланать /48 млн ытла пыл хурчĕ/.

www.hypar.ru