Олимпиадăра çĕнтернĕ

«Раççей символĕсем. Тĕнче уçлăхĕнчи çитĕнӳсем» Пĕтĕм Раççей олимпиадине чăваш ачисем хастар хутшăннă.

10-16 çулсенчи 3 пин ытла ача тĕнче уçлăхĕпе çыхăннă 10 ыйтăва хуравланă. Жюри ачасен ĕçĕсене тĕплĕн пăхса тухнă. Олимпиадăн Чăваш Енри çĕнтерӳçисем тесе Патăрьел районĕнчи Елена Смирновăна тата Шупашкарти Даниил Егорова йышăннă. Вĕсене раштавăн 31-мĕшĕччен чыслĕç. Ăс-хакăл ăмăртăвне хутшăннисем пурте сертификатлă пулĕç.

www.hypar.ru