Сыхланни аванрах

Любовь Петрушкина Шупашкар районĕнчи Çĕнĕ Тутаркасси ялĕнче пурăнать. Сывă пурнăç йĕркине пăхăнма хăнăхнăскере чир-чĕр капла та çыпăçса аптратмасть-ха. Анчах covid ытла та каварлă. Унран сыхланни аванрах. Çавăнпах тухтăрсем вакцинацие хутшăнма сĕнсен хĕрарăм пачах та иккĕленсе тăман.

— Пĕрремĕш прививка хыççăн ӳт температури хăпарчĕ, анчах та нумай мар: 37,2 кăна пулчĕ. Урăх нимĕнле паллă та асăрхамарăм. Йăлтах йĕркеллĕ иртрĕ. Иккĕмĕш хутĕнче вара нимĕн те туймарăм. Вакцинацие хутшăнмаллах тесе шухăшлатăп. Тепĕр тесен, унсăр çапах шиклентерет вĕт. Капла вара хама шанчăклă туятăп. Сăмах май, манăн юлташсем те прививка тутарчĕç. Пурте ăна йĕркеллех чăтса ирттерчĕç.

www.hypar.ru