Ял хуҫалӑх ыйтӑвӗпе пӗрле ӗҫлесшӗн

Паян "Хыпар" Издательство ҫурчӗн директорӗ Татьяна Вашуркина Чӑваш Республикин АПК ветеранӗсен союзӗн председателӗпе Александр Самылкинпа тӗл пулчӗ.

Сӑмах май, ку тивӗҫе Александр Петровича кӑҫалхи нарӑсӑн 16-мӗшӗнче суйланӑ. Вӑл - Чӑваш Республикин Патшалӑх Канашӗн 3-мӗш созывӗн депутачӗ те (2002 ҫул).

Чӑваш Республикин АПК ветеранӗсен союзӗ вара 2012 ҫултанпа ӗҫлет. Халӗ унӑн ретӗнче - республикӑри 500-е яхӑн ҫын.

Союз "Хыпар"  Издательство ҫурчӗн кӑларӑмӗсемпе яланах тачӑ ҫыхӑну тытнӑ. Ҫак ырӑ йӑлана малашне те тытса пырасшӑн. Тепӗр тесен, унсӑрӑн май та ҫук. Агропромышленноҫ, ял хуҫалӑх ыйтӑвӗсене час-часах ҫутатаҫҫӗ пирӗн кӑларӑмсем. Эппин, хӑш чухне вӗсем - справочник вырӑнне те.

Александр Петровичпа Татьяна Геннадиевна малашне те пӗрле ӗҫлеме калаҫса татӑлчӗҫ.

www.hypar.ru Сергей Журавлев сăн ÿкерчĕкĕ