Пермь марафонĕнчен — кĕмĕлпе

Иртнĕ канмалли кунсенче Кама юхан шывĕ хĕрринче Пермь марафонĕ иртнĕ.

2 кунлăх спорт уявне Раççейри 40 регион спортсменĕ пуçтарăннă. Ăмăрту паллине — «чĕрене» — спортсменсем кăкăр умне çыпăçтарнă — пациентсене коронавирусран çăлакан тухтăрсене çапла тав тунă.

Чăваш спортсменки, тĕнче класлă спорт мастерĕ Алина Прокопьева марафонра «кĕмĕл» çĕнсе илнĕ. Вăл 42,2 километра 2 сехет те 29 минут та 9 çеккунтра чупса тухнă.

www.hypar.ru Sport.cap.ru сăн ÿкерчĕкĕ