"Амазони" паркра – шыв сикки

Шупашкарта Республика кунĕ тĕлне çĕнĕ шыв сикки уçăлать. Вăл "Амазони" кану паркĕнче вырнаçнă. Çак кунсенче ăна ĕçлеттерсе пăхнă.

Специалистсен шыв сиккине хута ямашкăн вăхăт нумай юлмарĕ. Мэри пресс-служби пĕлтернĕ тăрăх, кĕске хушăра гидротехника тытăмне, насуса, пĕрхĕм кăларакан хатĕре йĕркене кĕртмелле.

7 пĕрхĕмлĕ шыв сикки малтанлăха ахаль йĕркепе ĕçлĕ. Кайран, Шупашкар хулин кунĕ тĕлне, хула çыннисемпе хăнисемшĕн чăн-чăн парне пулĕ – вăл çутăпа йăмăхĕ, кĕвĕ кăларĕ.