Сурхури те, Çăварни те...

Тюмень облаçĕнчи йăхташăмăрсем асатте-асанне йăли-йĕркине май пур таран упрама, тытса пыма тăрăшаççĕ. Чăвашлăх туйăмĕ пĕр тĕвве пухать аякри тăванăмăрсене.

Акă Çăварние те вĕсем йышлăн пухăнса хаваслăн ирттересшĕн. Пысăк та анлă уява ирттерме, тута-çăвар тăрăх çу юхтара-юхтара икерчĕ çиме вĕсем Исетски районĕнчи Шорохово ялĕнче пухăнасшăн.

Хастар йăхташăмăрсем Сурхурие те анлăн уявланă.

Ираида Маслова йĕркелесе пынипе ассоциаци наци уявĕсене час-часах йĕркелет, унта облаçри тĕрлĕ районти халăха пухма тăрăшаççĕ.

Анна НИКОЛАЕВА.