“Несĕлсен йăлине пăхăнсан халăх пек упранса юлайăпăр"

Пурнăçа тытса чараймăн. Саманапа пĕрле этем те улшăнать. Вăл хăйĕн тавракурăмне анлăлатать, иртнине тишкерсе мăн асаттесемпе асаннесен кун-çулне урăхла йышăнать. Обществăри улшăнусем те çын шухăшлавне çивĕчлетеççĕ. Паспортра «национальноç» йĕрке çухалчĕ. Чылайăшĕ çакăнпа усă курса çырав вăхăтĕнче хăйне урăх наци çынни тесе палăртнă. Раççейре пирĕн халăх йышне кура пиллĕкмĕш вырăн йышăнать. Раççейĕн тĕрлĕ кĕтесĕнче пурăнакан чăвашсем хăйсене «вырăс» тесе çыртарнинчен тĕлĕнме кирлĕ мар пулĕ, ку ассимиляципе çыхăннă. Çав вăхăтрах хăйсене несĕлсен ячĕпе «сувар» тесе çыртаракансем те тупăннă. Ку — питĕ кăсăклă. Вĕсем хăйсене çапла чĕнме пуçлани мана та интереслентерчĕ. Çакăн тупсăмне пĕлес тĕллевпе «Чуна уçса калаçар» рубрика тĕпелне хăйсене «сувар» текен ЧР тава тивĕçлĕ художникĕпе Юрий ЮВЕНАЛЬЕВПА К.Иванов ячĕллĕ историпе культура тĕпчевĕсен фончĕн ертÿçин çумне Владимир АЛМАНТАЯ чĕнтĕм. Малалла вулас...