Чуна çамрăклăх кÿрекен ертÿçĕ

«Чи хакли - яш ĕмĕр», - тенĕ чăвашсен паллă поэчĕ Митта Ваçлейĕ. Чăнах та, çамрăк чухне сывлăх та вĕри кăвар пекех хĕмленсе тăрать, кăмăл-туйăм та яланах çĕкленÿллĕ, ĕмĕтсем вара тухăçăн сенкер сăпкинче ярăнса хăпаракан хĕрÿ хĕвел пекех çутă. Ял-хулари çамрăксен вăй-халне, пархатарлă хавхаланăвне пĕр тĕвве пĕрлештерсен мĕнле кăна ырă ĕç тума пулмасть-ши? Анчах çав вăй-хала пĕрлештерме, пĕр тĕллев еннелле сулăнтарма пуçаруллă та пултаруллă ертÿçĕ кирлĕ. Ан тив, яш-хĕр ăна итлетĕр, ĕнентĕр, унăн Çеçпĕлле йыхравне йышăнтăр, унпа пĕрле кар тăрса ырă ĕçе пикентĕр. Малалла вулас...