Çĕнĕ Шупашкарта çĕнĕ полигон уçăлĕ

Чÿк уйăхĕн 1-мĕшĕнче Шупашкар районĕнчи Питтукасси çÿп-çап вырăнĕ хупăнĕ. Малашне кирлĕ мар хатĕр-хĕтĕре Çĕнĕ Шупашкарти çĕнĕ полигона турттарма пуçлĕç.

«Управление отходами» организацин филиал пуçлăхĕ Сергей Лаврентьев каланă тăрăх, полигонта хальхи стандартсене тата нормăсене пăхăнса çĕнĕ технологисем вырнаçтарнă. Çавна май çÿп-çапа суйлаççĕ тата преслаççĕ. Çакăнта 300 çын валли ĕç вырăнĕ хатĕрленĕ.

Шупашкарта пурăнакан кашни çыннăн çÿп-çап илсе кайнăшăн уйăхне 7 тенкĕ хушса тÿлеме лекĕ.

Мария РОМАНСКАЯ.