Тухтăра вĕренсен те алăри перо ытларах илĕртнĕ

Чăваш литературинче Максим Григорьев поэтăн ячĕ ЯСТРАН псевдонимпа çырăнса юлнă. Хăйĕн кĕске ĕмĕрĕнче икĕ кĕнеке - «Хĕрлĕ çăлтăр» /1940 ç./, «Çĕнтерÿ ялавĕ» /1941 ç./ - кăна кăларайса ĕлкĕрнĕ хастар та çунатлă сăмах ăсти. Тăван çĕршывăн Аслă вăрçи унăн мал ĕмĕтлĕ шанчăкне ытла ир татнă. Пурăннă пулсан кăçал августăн 26-мĕшĕнче Максим Григорьевич 99 çул тултарĕччĕ... Килес ăрушăн çапăçса пуç хунă паттăр поэта ентешĕсем епле сума сăваççĕ-ши? Унăн тăван халăхшăн тунă пархатарлă ĕçĕсене хисеплеççĕ-и? Ястранăн çуралнă тăрăхĕнче, Элĕк районĕнчи Вăрманкасра, пулнă май кунти çынсемпе курса калаçма тÿр килчĕ.

“Пÿрт кĕтесĕнче ларни куç умĕнчех”

Çак кун çанталăк ăмăр тăчĕ. Ехремкасси ял тăрăхĕн администрацийĕн специалисчĕ Елена Петрова Вăрманкаса çитме мăшăрне çăмăл машинăпа килме ыйтрĕ. Çумăрлă кун ырă кăмăллă арçын маншăн Турă вырăнĕнчех пулчĕ. Ара, чарăнмасăр çурĕ те, чылай аякри яла епле çитсе килмеллеччĕ-ха? Малалла вулас...