ХĂЛХА СИСТЕРЕТ

Хăлха çунатти - уйрăм зона. Унта организмăн мĕнпур пайĕнчен сигнал килет.

• Сывă çынсен хăлха çунатти хытă, кĕренрех тĕслĕ.
• Хăлха çунаттисем ăвăс тĕслĕрех шуранка пулни юн çаврăнăшĕ пăсăлнине пĕлтерет.
• Сарă тĕслĕ пулсан хырăмлăхпа пĕвер чирлĕ.
• Хăлха çунаттин çÿлти хĕрри тĕлĕнчи ÿчĕ тĕксĕмленни организмра темĕнле чир вăрттăн аталаннине систерет.
• Хăлха çунатти çÿхе, пергамент евĕр - иммунитет питĕ вăйсăр.
• Миокард инфаркчĕпе чирлĕ çынсенчен чылайăшĕ аптраса ÿкес умĕн темиçе сехет е темиçе кун маларах сулахай хăлха çунатти варринчи путăкра кĕçĕтнине, ыратнине, сисĕмлĕх вăйланнине палăртаççĕ.
• Хăлха чĕччи те çунатти пекех хулăн тата тăсăка пулсан савăнма сăлтав çителĕклĕ - вăрăм ĕмĕрлĕ çынсен хăлхисем çакăн евĕр.
• Хăлха чĕччи пысăкки тата форми уçăмлă палăрса тăни организмăн чирсене хирĕç тăрас хăвачĕ вăйлине пĕлтерет.
• Хăлха чĕччи ленчешке тата пĕркеленчĕклĕ пулсан шыçă чирĕнчен тĕрĕсленме сĕнеççĕ.