Комментировать

Йĕкелрен хатĕрленĕ кофе чĕре чирĕсем, сахăр диабечĕ аптратсан питĕ усăллă. Вăл организмăн энерги шайлашăвне, юн пусăмне йĕркене кĕртет. Юн пусăмĕ пысăк пулсан - чакарать, ытла пĕчĕк чухне - хăпартать.

Тасатнă юман йĕкелне духовкăра кофе пек пуличчен типĕтмелле, кофе арманĕпе авăртмалла. Авăртнă йĕкеле пĕр эрнерен ытла упрамалла мар, ытларах вăхăтран тути пăсăлать, сиплĕхĕ çухалать.

1 чей кашăкĕ йĕкел çăнăхне çур литр шыва ямалла, вĕреме кĕртмелле, çур стакан сĕт тата 1 чей кашăкĕ пыл хушмалла. Каллех вĕреме кĕртмелле те çулăм çинчен илмелле. Кофе хатĕр. Ăна куллен темĕн чухлех ĕçме юрать, вăл никамшăн та сиенлĕ мар.