Комментировать

25 çултан çамрăкрах предпринимательсем хăйсен бизнес проекчĕсене пурнăçлама 500 пин тенкĕ чухлĕ грант илме пултарĕç.

Ку çăмăллăха тивĕçес йĕркене Чăваш Ен Пуçлăхĕ Олег Николаев çирĕплетнĕ. Грант илекенсене конкурс ирттерсе палăртĕç. Çак укçапа çамрăк предприниматель пӳлĕм тара тытма, чĕр тавар, оборудовани тата программа тивĕçтерĕвĕ туянма, ĕçе аталантарма усă курма пултарĕ. Тăкаксен 25 процентне хăйĕнех саплаштармалла пулĕ. Укçан пулăшăва тивĕçес тесен çавăн пекех «Манăн бизнес» центрăн акселераци программине тухни, налуксене тӳлесе татни пулмалла. Конкурс комиссийĕ бизнес проектсемпе те паллашĕ. Халĕ «грантсен» вĕренӳ программине çырăнас тапхăр пырать. Вĕренӳ утă уйăхĕн 25-мĕшĕнче пуçланĕ.

www.hypar.ru