Комментировать

Ҫапла каларĕ паян пĕлтĕр "Эпĕ - хĕрарӑм" республика конкурсĕн ҫĕнтерӳҫи пулнӑ Елена Лаврентьева. Елена Леонидовна Ҫĕнĕ Шупашкарта пурӑнать, радиожурналист пулса ĕҫлет.

"Анне эсĕ чи пултарулли, чи хитри. Эпир санпа мухтанатпӑр", - терĕҫ ачасем конкурс хыҫҫӑн. Эпир, чӑваш хĕрарӑмĕсем, сӑпайлӑ, именчĕк. Хамӑр ӑсталӑха кӑтартма вӑтанатпӑр. Ӑсталӑха, пултарулӑха кӑтартма вӑтанмалла мар", - шухӑшĕпе паллаштарчĕ Елена Лаврентьева. Вӑл химиксен хулинче "Сударушка" клуба, ЧНК-н уйрӑмне ертсе пыма та вӑхӑт тупать. Конкурс хыҫҫӑн вӑл Ҫĕнĕ Шупашкарта чӑваш тĕррине тĕрлеме вĕрентекен арт-студи йĕркеленĕ. Паян Чӑваш Республикинчи Хĕрарӑмсен союзĕн председателĕ Наталья Николаева "Эпĕ - хĕрарӑм" конкурсӑн ҫĕнтерӳҫисемпе тата призерĕсемпе тĕл пулчĕ. Пухӑннисем ҫак конкурсӑн пĕлтерĕшĕ пысӑк пулнине палӑртрĕҫ. Кӑҫал та иртĕ ку пултарулӑх ӑмӑртӑвĕ. Унта 18 ҫултан иртнĕ хĕрсемпе хĕрарӑмсем вӑй виҫме пултарĕҫ. Пĕлтĕр чи асли, сӑмахран, 80-ра пулнӑ.

Тĕплĕнрех - "Хыпар" хаҫатӑн черетлĕ кӑларӑмĕнче.

www.hypar.ru Роза Власова сăн ÿкерчĕкĕсем