Комментировать

И.Н.Ульянов ячĕллĕ ЧПУра "Ăслăлăх -  хĕрарăмсен куçĕпе" çавра сĕтел иртрĕ. Ăна Хĕрарăм ученăйсен пĕтĕм тĕнчери кунне халалланă.

Унта вĕрентÿ тата культура министрĕсем Дмитрий Захаровпа Светлана Каликова, Хĕрарăмсен канашĕн ертÿçи Наталья Николаева, ЧПУ ректорĕ Андрей Алексадров, хĕрарăм директорсемпе тĕпчевçĕсем, общество хастарĕсем хутшăнчĕç. "Ăслăлăхра тăрăшакан хĕрарăмсен йышĕ 54 процентпа танлашать. Вӗсем наукăра сахал мар çитĕнÿ тăваççĕ,  ĕçĕсем тĕрлĕ отрасльте пысăк вырăн йышăнаççĕ", - палăртрĕç çавра сĕтеле хутшăннисем. ЧПУра та хĕрарăм ученăй чылай. Акă техника наукисен докторĕ Альвина Миронова наукăра 1966 çултанпа вăй хурать. Вăл палăртнă тăрăх, хавхалану пулсан çемьере те, ĕçре те, наукăра та çитĕнÿ тума пулать.

www.hypar.ru Андрей МИХАЙЛОВ сăн ÿкерчĕкĕсем