Комментировать

Шупашкарти Трактор историйĕн музейĕ уçăлнăранпа 10 çул çитрĕ. Çак пулăма халалласа музейре телеконференци иртрĕ. Шупашкарсем Мускаври, Тольяттири музейсен представителĕсемпе, туроператорсемпе çыхăнчĕç.

Телеконференци ĕçне ЧР Пуçлăхĕ Олег Николаев хутшăнчĕ. Вăл палăртнă тăрăх, Трактор музейĕ кĕске тапхăртах пысăк хисеп çĕнсе илнĕ. «Промышленноç туризмне аталантарас енĕпе нумай ĕç пурнăçлать. Музей авалхипе хальхине, хальхипе пуласлăха çыхăнтарать. Кунашкал музей Чăваш Енре пурри ахальтен мар. Шупашкар трактор тăвакансен хули пулса тăнă. Пирĕн заводра 50 çулта çĕр-çĕр трактор туса кăларнă. Паянхи кун та предприяти промышленноç отраслĕнче пĕлтерĕшлĕ вырăн йышăнать», — терĕ регион ертӳçи.

Аса илтеретпĕр, музей 2011 çулта РФ Машина тăвакансен союзĕпе Трактор завочĕ пуçарнипе йĕркеленнĕ. Хальхи вăхăтра унта тĕрлĕ 700 трактор упранать. Нумаях пулмасть музей çĕнĕ экспонатсемпе пуянланнă. Мускаври конгресс-бюро музее «Сталинец С-65» трактор макетне тата «У-2» самолет-трактор копине парнеленĕ.

www.hypar.ru Андрей Михайлов сăн ÿкерчĕкĕсем кунта...