Комментировать

15 Авг, 2014

Пан улми çинчен

Пан улми пуриншĕн те усăллă. Унта тĕрлĕ витамин нумай. А витамин инфекци чирĕсенчен сыхланма, куç çивĕчлĕхне ÿстерме пулăшать. Сайра-хутра тĕл пулакан G витамин вара апат ирĕлтерес ĕçе лайăхлатать, ÿсме пулăшать. С тата В ушкăнри витаминсемпе те пуян пан улми.
Унсăр пуçне пиçсе çитнĕ пан улмире йод шайĕ бананран 8 хут ытларах, апельсинран – 13 хут. Апла пĕсехе парĕн чирĕпе нушаланас мар тесен пан улми çимелле.
Пан улмире тимĕр нумаях мар, анчах унра организм ытти çимĕçри – калăпăр, çăмартари е пĕверти – тимĕре лайăрах ирĕлтерме пулăшакан япаласем пур. Кальци вара çителĕклех.
Пектин пурри вар-хырăма йĕркеллĕ ĕçлеттерме май парать.
Пан улми юн тымарĕсене çирĕплетет, ÿт тăртанса тăнине ирттерет.
Туртакансене сиенлĕ йăларан хăтăлма пан улми çиме сĕнеççĕ: 3 кунччен пан улмипе тата симĕс чейпе кăна пурăнмалла. Тăваттăмĕш кунне вара туртас кăмăл сĕврĕлет.
Тăтăшах пан улмипе унăн сĕткенне усă курни пуç мимин клеткисене арканасран упрать, астăвăма çирĕплетет.
Пан улмире инфарктран, инсультран, ракран хÿтĕлекен антиоксидантсем пур. Уйрăмах вăл çимĕçĕн хуппинче нумай.
Пĕрмаях пан улми çисе начарланма та пулать: углевод çăва куçманран çын майĕпен çÿхелет.
Пан улмине урăх çимĕçпе хутăш çиме юрамасть, газ пухăнса аптратма пултарать. Урăх çимĕçе çийиччен çур сехет те пулин вăхăт иртмелле.
Хырăмлăхпа пыршăлăх тракчĕн чирĕсемпе нушаланакансен пан улми хуппине шуратса е духовкăра пĕçерсе çимелле.
Ытла пылак пан улми шăл эмалĕшĕн сиенлĕ, çавăнпа çинĕ хыççăн çăвара шывпа чÿхеме тăрăшмалла.