Комментировать

Шупашкарти троллейбусра Wi-fi-па усă курса Патшалăх пулăшăвĕсен электронлă порталĕ урлă налук тÿлесшĕнччĕ. Анчах ăшталаннин усси пулмарĕ. Wi-fi ĕçлемерĕ — ачасене кун пирки каларăм та вĕсем унти интернетăн хăвăртлăхĕ питĕ япăххине палăртрĕç. Чăннипех те çапла-ши?

Алина ЛЕОНТЬЕВА, Шупашкар районĕ.

Вулакан ыйтăвне Шупашкарти троллейбус управленийĕн директорĕн çул-йĕр служби енĕпе ĕçлекен çумĕ Дмитрий ЯКОВЛЕВ уçăмлатать:

Троллейбусри Wi-fi япăх ĕçлет теместĕп. Çапах хирĕçлемĕп: кунашкал ыйту темиçе те пулчĕ. Унпа усă курас тесен хула транспорчĕн порталне кĕмелле. Хула Wi-fi сетĕнче регистрациленмелле, çак çыхăну мелĕпе усă курассине çирĕплетмелле. Браузерта мĕнле регистрациленмеллине йăлтах ăнлантарнă. Ансат тата тÿлевсĕр. Пĕрре çирĕпленсен сирĕн телефонăр троллейбусра Wi-fi ярсан тÿрех сигнал йышăнма пуçлать, çакăн пирки чылайăшĕ пĕлмест пулас. Троллейбуспа çÿрекенсене çакна аса илтерни вырăнлă пуласса шанатăп.

 

Эльвира ИВАНОВА хатĕрленĕ.
CAPTCHA на основе изображений
Введите символы, которые показаны на картинке.