Комментировать

РФ Общество палати Пĕтĕм Раççейри «Ырă ĕçсен марафонĕ» экологи акцийĕн пĕтĕмлетĕвĕ тăрăх ырă хуласен рейтингне хатĕрленĕ.

Общество хастарĕсен шухăшĕпе — «Чи ырă хула» ята Санкт-Петербург тивĕçлĕ. Иккĕмĕш вырăнта Химки /Мускав облаçĕ/, виççĕмĕш вырăнта — Кронштадт. Ун хыççăн — Хусан, Ульяновск, Уссурийск, Шупашкар, Мускав, Дон çинчи Ростов тата Чулхула.

Экологи акцийĕ вăхăтĕнче пирĕн çĕршывра 35 пин мероприяти ирттернĕ. 3 пин ытла субботник, чĕр чунсен приючĕсем валли укçа-тенкĕ пухас тĕллевпе 350 акци, сиенлĕ каяшсене пухас тата тĕп тăвас енĕпе 1500 акци йĕркеленĕ.

Çывăх вăхăтра РФ Общество палати чи таса ялсен рейтингне тума палăртать.