Комментировать

Ялта çуралса ÿснĕ çыннăн яланах ĕç пур. Акă Елчĕк районĕнчи Каркалар ялĕнче пурăнакан Виктор Севриков тăван тăрăха килсен ахаль ларма юратмасть. Эпир пынă чухне те вăл уйра машинăпа тырă турттаратчĕ. Çамрăкскер фермер хуçалăхĕ уçнă ашшĕ пекех ĕçчен. Чăваш патшалăх ял хуçалăх академийĕн экономика факультетĕнче вĕренекен Виктор пĕлтĕр Германири пĕр фермер патĕнче 8 уйăх ĕçлесе пурăннă.