Комментировать

Республикăри Çамрăксен канашĕсен чи лайăх пĕрлехи эмблемине палăртас енĕпе йĕркеленĕ конкурса пĕтĕмлетнĕ. Унта 7 район-хуларан 27 ĕç тăратнă.

Конкурсра Патăрьел районĕнчи Тăрăн ял тăрăхĕн Çамрăксен канашĕ сĕннĕ тĕслĕх çĕнтернĕ. Шăпах вăл ĕçлекен хĕрсемпе каччăсен республика юхăмĕн пĕрлехи эмблеми пулса тăрĕ. Иккĕмĕш вырăнта - Элĕк районĕнчи Çамрăксен правительстви шухăшласа тупни, виççĕмĕшĕнче - Шупашкар районĕнчи Ишлей ял тăрăхĕнчи канаш сĕнни. Çĕнтерÿçĕсене пурне те Дипломпа, хаклă парнепе чысланă.