Комментировать

«Капкăн» журналăн кăçалхи тăваттăмĕш номерĕ кун çути курчĕ. Вăл Сергей Мягковăн «Ваçук продюсер тепĕр арăслана çăлтăрсен йышне кĕртесшĕн» ÿкерчĕкĕпе уçăлать.

«Кулăш – пулăш, çавра сăмах» рубрикăра фронтри кулăшсем пичетленнĕ.

Пирĕн вулакансем журналпа тачă çыхăну тытаççĕ, редакцие çырусем, кăсăклă материалсем тăтăшах ярса тăраççĕ. Ку кăларăмра пирĕн хастар авторăн Н. Розовăн «Мода вăл - мода» калавĕ çапăннă, вăл «Ан та кала» рубрикăра вырăн тупнă.

Çавăн пекех журналта Николай Ишентейĕн «Çеçпĕл куççулĕ» фельетонĕ, Владимир Кузьминăн «Кам вăйлăрах/» калавĕ, Роман Чепуновăн «Çылăх каçарттарни» кулăшĕ çапăннă.

Кăларăма алла тытсан «Пулать вĕт», «Йĕплĕ йĕркесем», «Ах, анчах», «Пурнăç ÿкерчĕкĕсем» рубрикăсенчи кăсăклă хайлавĕсемпе паллашма пулать. Кроссворд тата илемлĕ ÿкерчĕксем пур.