Комментировать

Çамрăксене сывă пурнăç йĕркине хăнăхтарас, киревсĕр йăласенчен хăтарас тĕллевпе Шупашкарти техникумсенче кашни уйăхра мини-футбол турнирĕсем йĕркелес шухăша çамрăк спортсменсемпе вĕсен тренерĕсем ырласа йышăнчĕç.

Нарăс уйăхĕнче "Текстильмаш" спорт залĕнче иртнĕ черетлĕ ăмăртăва футболистсем Çĕр-шыв хÿтĕлевçин кунне халалларĕç. Финалта 4 команда тупăшрĕ: Шупашкарти механика-технологи техникумĕ, электромеханика колледжĕ, транспортпа строительство технологийĕсен техникумĕ... Чылай очко пухса çĕнтерÿçĕ ятне хулари машиностроени техникумĕ тивĕçрĕ. Команда чысне 11 студент хÿтĕлерĕ /тренерĕ - Григорий Михайлов/. Чи лайăх спортсменсене Александр Григорьева, Дмитрий Матвеева, Дмитрий Иванова тата Никита Владимирова ятарлă парнесемпе хавхалантарчĕç. Мала тухнă командăна турнира пуçарса янă пултаруллă футболист тата тренер Николай Платонов кубокпа чысларĕ.

Н.СИРЕНЕВ