Архив - Хыпар

Культура çулталăкĕнче Патăрьел районĕнчи вулавăш ĕçченĕсем умри тĕллевсене сисĕнмеллех пысăклатнă: вулавçăсен йышне ÿстерессипе пĕрлех пурнăçа кĕртмелли ĕçсен шутне йышлатнă, библиотекарьсен ăсталăх, пултарулăх шайне ÿстерессишĕн тăрăшаççĕ.

Комсомольски салинче хальхи вăхăтри тĕрĕк тĕнчин этнокультурипе искусствин «Урмай Залида» фестивалĕ кăçалхипе иккĕмĕш хут иртнĕ. Кăçалхи вара, пĕрремĕшĕпе танлаштарсан, самай курăмлă пулнă. Çакă иккĕмĕш фестивале Культура çулталăкĕнче тата кăçал Каçал тăрăхĕнче Республика кунне йĕркеленипе те çыхăннă ĕнтĕ.

Культура çулталăкĕнче Чăваш кĕнеке издательствин ĕçченĕсем паха вун-вун кĕнеке кăлараççĕ. Çак кунсенче, сăмах май, Республика кунĕ умĕн, тепĕр кăларăм - «Государственные символы Чувашской Республики: история создания, проекты, документы и материалы» /авторĕ Сергей Щербаков/ - кун çути курчĕ.

Çĕнĕ Шупашкарта пурăнакан тутарсем çак кунсенче авалхи йăла-йĕркене пăхăнса Руслан Валитова çара ăсатнă. Хăйне евĕр çак мероприятие химиксен хулин имамĕ Минкадир Резяпов, Çĕнĕ Шупашкар хула администрацийĕн культура пайĕн пуçлăхĕ Владимир Макаров тата асăннă хулари çар комиссариачĕн пуçлăхĕ Сергей Баранов хутшăннă.

Муниципалитет пĕрлешĕвĕн пуçлăхĕн кунĕ кăçал республикăра çиччĕмĕш хут иртнĕ. Уяв хăнисем Хĕрлĕ Чутай ял тăрăхĕнчи Чавал уçланкăра пуçтарăннă. Яланхиллех спорт ăмăртăвĕсенче вăй виçнĕ, юрланă, ташланă, ĕçри пултарулăха кăтартнă.

ЧР Ял хуçалăх министерстви тĕрлĕ харпăрлăхлă хуçалăхсем юлашки çулсенче туяннă техника хатĕрне аграрисене çуллен Уй кунĕнче кăтартать.

ЧР Ял хуçалăх министерствин инноваци пайĕн ертÿçи Владимир Васильев, Комсомольски районĕнчи "Çĕр улмине мухтав" агрофирма ĕçченĕсем Алексей Селиванов, Олег Мартышин, Марат Камальдинов, Вăрмар райадминистраци пуçлăхĕн çумĕ-ял хуçалăх пайĕн ертÿçи Дмитрий Ивановпа Иван Иванов фермер, Красноармейски районĕнчи "Таябинка" агрофирмăн тĕп агрономĕ Елена Николаева, "Байер" компанин республикăри представителĕсен, "Востокпа" "Альфа-агро" обществăсен менеджерĕсем Чул хула облаçĕнчи Городец районĕнчи Аксентис поселокĕнче иртнĕ Çĕр улми кунне хутшăннă.

ЧР Министрсен Кабинечĕн Председателĕ Иван Моторин ĕнер Шупашкар, Çĕнĕ Шупашкар хулисен тата Шупашкар районĕн йăлари хытă каяшсене тирпейлекен тата утилизацилекен пĕрлехи тытăмне йĕркелес ыйтупа канашлу ирттернĕ.

Çу уйăхĕ типĕ те шăрăх тăчĕ пулин те малтанхи вăхăтра 6 район çеç 330 гектар çинчи лаптăксене шăварчĕ. Сăлтавĕ паллă: çанталăк çапла пуласса кĕтмен, мелиорацие хатĕрленмен. Нÿрĕкпе пахча çимĕç валли усă курчĕç. Çав вăхăтра улăх-çаран, нумай çул ÿсекен курăксем типпе лекрĕç. Ял хуçалăх пĕрлешĕвĕсем вĕсене минерал удобренипе те вăхăтра апатлантараймарĕç. Ака уйăхĕн 21-мĕшĕ тĕлне те ăна курăксем çине /ЧР Ял хуçалăх министерстви хатĕрленĕ сводка тăрăх/ 9% çеç сапнăччĕ. 6 район вара çак ĕçе вуçех хутшăнмарĕ.