Архив - 2014 - Хыпар

Кăрлачăн 14-мĕшĕнче республикăри журналистсен С.В.Элкер, Н.В.Никольский тата Л.И.Ильин ячĕллĕ премийĕсен комиссийĕсен тата Чăваш Ен Журналистсен союзĕн правленийĕн ларăвĕ иртрĕ. Унта 21 журналистăн ĕçĕсене тишкерсе хак панă.

С.В.Элкер ячĕллĕ преми лауреачĕсем:

Елена Зайцева - «Советская Чувашия» хаçатăн «Пысăк çемье» пултарулăх проектĕнче халăхсен хушшинчи туслăхпа килĕшÿлĕхе пропагандăлакан материалсен ярăмĕшĕн*

Ольга Туркай - «Чăваш Ен» патшалăх телекуравпа радиохыпарлав компанийĕн «Килти библиотека» радиопрограммăра Чăваш Республикинчи кĕнеке культурине сарнăшăн.

Чăваш Ен наци телерадиокомпанийĕн /НТРК/ директорĕн должноçне йышăнас текенсен конкурсне пĕтĕмлетнĕ. Унта Александр Магарин, республикăри наци библиотекин "Кĕнеке палати" уйрăмĕн пуçлăхĕ, çĕнтернĕ.

Раççейре пурăнакансен регион тата федераци саккунĕсене лайăхлатас ĕçе хутшăнма май пур. Вĕсем çĕр-шывăн е регионăн социаллă пурнăçĕпе экономика аталанăвĕн ыйтăвĕсемпе çыхăннă сĕнĕвĕсене "Раççей общество пуçарăвĕ" портала ярса пама пултараççĕ. Ку Интернет-ресурса 2013 çулхи ака уйăхĕнче Раççей Президенчĕн указĕпе килĕшÿллĕн йĕркеленĕ.

2013 çулта республикăра 14156 преступление регистрациленĕ, çакă виçĕм çулхинчен 14,4% сахалрах. Преступленисен 72,7% уçса панă.

Ирхи кайăк тутă пулнине шута илсе Пичет çуртне çичĕ сехет те хĕрĕх пилĕк минут тĕлнех çитетĕп. Виççĕмĕш хута хыпаланса хăпаратăп та тĕлĕннипе тăп чарăнатăп. Тирпейлÿçĕ манран та маларах килнĕ иккен. Тин кăна çуса кайнă урай çап-çутă çуталать. Таса пÿлĕме пырса кĕме те кăмăллă!

Çĕр варринче тăрсан та хаçат пирки шухăшлакан журналистсем ирхи 8 сехет çурăра редакцие вирхĕнсе çитеççĕ. Коридорпа утнă чухнех пальто-куртка тÿмисене вĕçертеççĕ. Пÿлĕме кĕнĕ-кĕменех çĕнĕ кăларăмсемпе паллашаççĕ, вĕсенче мĕн çырнине тишкереççĕ.

Хаçата интереслĕ кăларас тесе çĕр çывăрмасăр ĕçлеме те хатĕр эпир. «Çапах тема ăçтан тупатăр.» - тĕпчеççĕ пĕлĕшсем. Юлташ нумай пулни, çул çÿреме юратни, пурнăç уттипе тан пыма тăрăшни пулăшать.

“Пирĕн килти тухтăр, сывлăх энциклопедийĕ,- теççĕ вулакансем “Сыв­лăх” хаçата хисеплесе. Хăйсен çырăвĕсенче, ре­дакцие шăнкăравласа вĕсем юратнă хаçата кашни кĕçнерни кун чунран кĕтнине, унти сĕнÿ­­семпе сывлăха çирĕ-п­­­летме, сипленме усă курнине пĕлтереççĕ, пулăшушăн тав тăваççĕ.

Хамăрăн куна планеркăран пуçлатпăр. Унта кирлĕ ыйтусем сÿтсе яватпăр, тĕллевсем палăртатпăр, хаçата кăсăклăрах тума тăрăшатпăр.

Кăçалхи çырăнтару савăнтарчĕ те, тĕлĕнтерчĕ те: «ЛИК» журнала 1-мĕш çур çулта илсе тăмашкăн çĕр-шыври 60 ытла хулара çырăннă! Аçтăрханпа Махачкалара, Краснодарпа Иркутскра, Петербургпа Тобольскра... Аякра пурăнакан вулакансем ăçтан пĕлнĕ пирĕн журнал пирки? Почта çуртне ÿркенмесĕрех çитсе çырăнас кăмăлĕ мĕнле çуралнă?