Архив - Июл 2014 - Хыпар

Ача пăхмашкăн илнĕ отпускри хĕрарăмсене ĕç рынокĕ ыйтакан профессисене алла илме сĕнеççĕ.

Муркаш районĕнчи Мăн Сĕнтĕр райповĕ Чăвашпотребсоюз тытăмĕнче кăна мар, Раççейри Центрсоюзра та яланах кăтартуллисен йышĕнче пулнине нумай награда çирĕплетет. Вĕсене стена талккăшпех вырнаçтарнă та пурне асăнса тухма хаçат лаптăкĕ çитес çук.

«Выля, хут купăс!» центр тата Анастасия Заволокина чĕннипе Элĕк районĕнчи «Валинкке» халăх фольклор ансамблĕ Г.Заволокин ячĕллĕ Пĕтĕм тĕнчери III "Выля, хут купăс!" фестивале хутшăнчĕ. Унтан пысăк çитĕнÿпе таврăнчĕ.

Утă уйăхĕн 25-мĕшĕнче шыв çинчи полици хăйĕн уявне паллă турĕ - шыв транспорчĕ çинчи шалти ĕçсен органĕсене туса хунăранпа 96 çул çитрĕ.

«Унашкалли те пулать-и?»- тейĕ хăшĕ-пĕри. Пулать! «ТНВ» - «тюрьма на воле» - çапла ят панă аякран ĕçлеме пыракансем Воронеж облаçĕнчи Усмань районĕнчи уйрăм çынсен аллинчи «Красинский» улма-çырла хуçалăхне. Эпĕ, кăçалхипе унта тăваттăмĕш хут ĕçлеме каймашкăн хатĕрленекенскер, ку ята пачах хирĕçлеместĕп.

Куславкка районĕнчи культура палăкĕсен шутĕнче Жомини барон çурчĕ те пур. Мĕнпе палăрнă çак йăх? Хушамачĕпе чăваш марри курăнать. Чăваш çĕрне мĕнле лекнĕ вĕсем?

1921-1922 çулсем Чăваш Еншĕн питех те хăрушă пулнă: выçлăх хуçаланнă. Халăх çак инкеке мĕнле майпа чăтса ирттернĕ-ши?

Шупашкарта чылай çул «Атăл» гольф клубĕ ĕçлет. Унăн хастарĕсем гольф вăййине аталантарассипе тăрăшаççĕ. Çак кунсенче унта мини-гольф енĕпе çĕр-шыв кубокĕн виççĕмĕш тапхăрĕ иртнĕ.

Мăньял Хапăс тата Пăртас ялĕсен икĕ çырми хушшинчи ансăр сăмсахра археологсем ĕçлени пирки "Хыпарта" пĕлтернĕччĕ. Вĕсем авалхи Мăньял Хапăс масарĕ ят панă археологи палăкне тĕпчеççĕ.

Пĕлтĕр çулçăсене ернĕ хура пăнчăсем виноград тĕмне сиенлерĕç. Вăл хăрсах ларчĕ темелле. Кăçал груша йывăççине те çак чир сиенлеме пуçларĕ. Çулçăсем çинче тĕксĕм хăмăр пăнчăсем, аял енче хылчăк пек хăмăр вырăнсем. Мĕнле чир-ши вăл тата мĕнле сиплемелле ăна.