Ямурсавар салтакĕ Мускаври парада та хутшăннă

«Ветеранĕ ăçта? Вырăнпах выртать-и?» - Канаш районĕнчи Ямурсаварти Спиридоновсем патне кĕнĕ май кăсăклантăм кил хуçисенчен. Мана хирĕç утакан арçын 90-ри Петр Спиридонович пулнине тавçăраймарăм та. Ÿсĕмне тата хура-шурне сахал мар тÿсме тивнине шута хурсан питĕ маттуррăн курăнать вăл. Шел те, Тăван çĕршывăн Аслă вăрçине хăйсен куçĕпе курнисем, ирĕклĕхшĕн хăрушă вут-çулăм витĕр тухнисем халĕ ял тăрăхĕнче пĕр-икĕ çынран ытла мар, вĕсем те хăйсене йывăр туяççĕ. Çавăнпа кашни ветеранăн асаилĕвĕ, вĕсен кашни сăмахĕ ылтăнпа танах. «Ĕненместĕр пулсан паспорт кăтартам-и?» - текелесе документ тĕркине туртса кăларчĕ хисеплĕ ватă... Малалла вулас...