«Чăваш хĕрарăмĕ» 16 (1091) № 27.04.2019

29 Апр, 2019

* — Эпĕ пĕчĕк чухне пирĕн килте пушар тухнăччĕ. Тĕппипех çуннă йывăç çурт вырăнне кирпĕчрен çĕнни никĕслерĕç. Пушар вăхăтĕнче нумай япала пĕтнĕ. Аннен сăхманĕ вара темĕнле майпа сыхланса юлнă! Вырăн-вырăнпа кăна çулăм чĕлхи лекнĕ ăна. Тавах Турра — кăларса пăрахман ăна анне. Вăхăт иртсен ăна ялтан хулана илсе килтĕм, унта-кунта тирпейлĕ саплăк лартса юсарăм. Арки, çанни вĕçĕсене чĕнтĕрлесе илемлетрĕм. Халĕ ăна аннерен асăнмалăх юлнă паха пурлăх пек упратăп, хушăран концертсенче тăхăнатăп та. Анне пирĕн хушăра çук ĕнтĕ, анчах унăн тумĕ мана сăвап, вăй панăн туйăнать, — терĕ Красноармейски районĕнчи Шывпуç Чуракасси ялĕнче çуралнă Фаина Анисимова (Сăваплă căхман вăй кÿрет... Ирина ИВАНОВА)

* Виктор Дмитриев, теле- тата радиокăларăмсен продюсерĕ: «Чăваш наци радиовĕ хăйĕн итлекенне тупрĕ. Чăвашла кăларăмсене май пур таран ытларах кăларма тăрăшатпăр. Эфирта тăван чĕлхепе шăрантаракан юрăсем кăна янăраççĕ. Пире критиклеççĕ те.
Эфира чĕнекен хăнасем чăвашла калаçнă çĕртех вырăс сăмахĕсене кĕртнишĕн те сăмах лекет. «Эпир радиопа пурăнатпăр», — теççĕ талăкĕпех итлекенсем. Аслăрах çултисене юрату юррисенчи «эп сана юрататăп, эс мана юрататăн, санăн туту хитре» тени килĕшсех каймасть. Вĕсене сăнарлăх кирлĕ. Çур çĕр иртсен «çăмăлрах» юрăсене яма тăрăшатпăр. Эпир ун чухне аслă çултисем пире итлемеççĕ тесе шухăшлатпăр-çке. Çук иккен. Ирхине шăнкăравласа кăмăлсăрланнине калаççех. Пирĕнпе Америкăра тĕпленнĕ йăхташăмăрсем те çыхăну тытаççĕ
» (Вĕç-вĕç, пурнăç кайăкĕ...) 

* Евдокия Андреевна, хăй каласа кăтартнă тăрăх, Элĕк районĕнчи Анат Сурăм хĕрĕ пулнă. Кун-çулĕ çăмăлах килмен. 7-8 çултах ашшĕсĕр тăрса юлнă. Йышлă çемьере ачасене ура çине тăратма йывăр килнĕ-тĕр — Евтукки ача çуртне лекнĕ. Çĕршывра иртнĕ ĕмĕрĕн 20-мĕш çулĕсенче выçлăх çулĕсем хуçаланнă. Атăл тăрăхĕнче пурăнакансемшĕн çав вăхăт уйрăмах тумхахлă пулнă.
— Çуралнăскерĕн малаллах кармашмалла-çке. Ĕмĕр сакки сарлака теççĕ çав... — Евтукки кинемей шухăшлăн çапла калани асра
(Санькка арăмĕ)

* Арăмĕ килсе кĕчĕ...

* Тарăхтармăш

Автор: 

Комментировать

CAPTCHA на основе изображений
Введите символы, которые показаны на картинке.