Ашшĕн пурлăхĕ çапăçтарать

«Кун пеккине тахçанах курманччĕ...», «Кун пек тахçанах кулманччĕ...», «Питĕ лайăх спектакль...» - çапла калаçса тухрĕç куракансем çĕртме уйăхĕн 11-мĕшĕнче Çамрăксен театрĕнчен. Унта çав кун «Пирĕн атте авлана-а-ать!!!» премьера пулчĕ. Спектакле ЧР тава тивĕçлĕ артисчĕн Валерий Иовлевăн пĕрремĕш пьеси тăрăх ЧР искусствăсен тава тивĕçлĕ ĕçченĕ Вячеслав Оринов лартнă.